Mae manylion am Raglen Genedlaethol Imiwneiddio Rhag y Ffliw ar gyfer 2019-20 wedi’u hamlinellu yn llythyr Blynyddol y Ffliw- WHC 2019 (015). Yn yr un modd â’r llynedd, bydd yr holl staff sy’n gweithio mewn cartrefi preswyl i oedolion a chartrefi gofal oedolion, gyda nyrsio, sydd â chyswllt rheolaidd â phreswylwyr, yn gymwys i gael brechiadau ar y GIG yn rhad ac am ddim trwy fferylliaeth gymunedol.
Mae’n ofynnol i fferyllwyr gadarnhau cymhwysedd cyn darparu’r brechlyn i bobl sy’n bodloni’r meini prawf hyn. Yn amlwg, os yw staff yn hysbys i staff fferyllfa, neu os oes ganddynt fathodyn adnabod sydd â llun, sy’n eu dynodi’n glir fel aelod o staff mewn cartref gofal i oedolion, mae hyn yn hawdd ei wneud.
Fodd bynnag, os nad yw hyn yn wir, rydym eisiau ei wneud mor hawdd â phosibl i’ch staff gael manteisio ar y brechiad felly mae taleb ynghlwm y gallwch ei hargraffu / ei llungopïo a’i chwblhau â manylion aelodau’r staff unigol a’u cyfeirio at y fferyllfa agosaf sy’n cymryd rhan (gweler http://www.nhsdirect.wales.nhs.uk/ am y gwasanaethau a gynigir gan fferyllfeydd lleol).
Er mwyn annog pobl i fanteisio ar y brechiad gymaint â phosibl, rydym wedi bod yn annog fferyllfeydd cymunedol i ddarparu clinigau ar gyfer eich staff yn y Cartref Gofal (ar yr amod bod modd darparu cyfleusterau addas i’r perwyl hwn). Os byddai hyn o gymorth i chi a’ch staff, cysylltwch â’ch fferyllfa leol er mwyn gweld p’un a ydynt yn gallu darparu hyn. Os na allwch drefnu hyn trwy fferyllfa leol, cysylltwch â’r unigolyn perthnasol isod, a fydd yn ceisio rhoi manylion fferyllfa arall i chi sy’n gallu darparu hyn.
Bydd brechiadau ar gael gan fferyllfeydd lleol o ddechrau mis Hydref.
Os bydd gennych unrhyw gwestiynau, cysylltwch â’r tîm Rheoli Meddyginiaethau:
- Sir y Fflint/Wrecsam: Simon Gill ar Simon.Gill@wales.nhs.uk
- Conwy/Sir Ddinbych: Rory Wilkinson ar Rory.Wilkinson@wales.nhs.uk
- Ynys Môn/Gwynedd: Gwyn Peris-Jones yn Gwyn.Peris-Jones@wales.nhs.uk
