Cawsom amser gwych yn y gynhadledd Gofal Cymdeithasol Genedlaethol yng Nghaerdydd yr wythnos diwethaf.
Roedd gennym stondin yn hyrwyddo gwaith y Bwrdd Partneriaeth Rhanbarthol a’i grwpiau cyflawni gan gynnwys y Byrddau Comisiynu a Gweithlu a Bwrdd Diogelu Gogledd Cymru.
Yr oedd yn gyfle gwych i siarad am yr hyn yr ydym yn ei wneud a chael gwybod mwy am y gwaith da sy’n digwydd mewn rhannau eraill o Gymru.
Llongyfarchiadau arbennig i:
- Bwrdd Diogelu Oedolion Gogledd Cymru a dderbyniodd dystysgrif gyda chlod uchel am y gwaith maent wedi’i wneud i ddatblygu protocol hunan-esgeulustod rhanbarthol
- Cyngor Bwrdeistref Sirol Conwy a enillodd Glod am ‘well canlyniadau drwy ddysgu a gweithio gyda’n gilydd’ am eu prosiect gyda Bwrdd Iechyd Prifysgol Betsi Cadwaladr a Heddlu Gogledd Cymru wedi ei anelu at ostwng y risg o gam-fanteisio’n rhywiol ar bobl ifanc.
- Cyngor Sir y Fflint a enillodd Glod am ‘ganlyniadau rhagorol i bobl o bob oed drwy fuddsoddi mewn addysgu a datblygu staff’ gyda rhaglen newid diwylliannol i wella bywydau pobl hŷn mewn cartrefi gofal, drwy osod arferion “wedi eu canoli o gylch yr unigolyn”
I gael rhagor o wybodaeth ar yr anrhydeddau: https://gofalcymdeithasol.cymru/straeon-newyddion/cyhoeddi-enillwyr-y-gwobrau
