Beth yw’r ffordd orau i ni ddarparu gofal a chymorth cynaliadwy i helpu pobl hŷn i fyw bywydau hapusach a mwy boddhaus?
Yn ddiweddar, gofynnodd Ymchwil Iechyd a Gofal Cymru a Gofal Cymdeithasol Cymru i bobl am eu sylwadau a’u cwestiynau am ofal cymdeithasol a chymorth i bobl hŷn yng Nghymru. Cafodd y rhain eu crynhoi i gwestiynau y gellir eu hateb gan ymchwil.
Yn awr maent eisiau eich cymorth i benderfynu pa gwestiynau sydd fwyaf pwysig.
Cymerwch ran yn yr arolwg os ydych chi’n
- 65 oed a hŷn ac yn cael gofal neu gymorth
- gweithiwr proffesiynol, gwirfoddolwr neu aelod o’r teulu sy’n rhoi’r gofal hwnnw.
Does dim angen ichi wybod am waith ymchwil – maent eisiau eich barn yn seiliedig ar eich profiad chi.
Ni fydd ond yn cymryd 10 munud i’w gwblhau ac mae ar gael rhwng 29 Gorffennaf a 24 Awst 2020. Cymerwch ran yn yr arolwg. Mae eich barn yn bwysig!