Chwiliadau am lenyddiaeth a chrynodebau o dystiolaeth

Chwiliadau am lenyddiaeth

Mae’r canolbwynt yn cyflawni chwiliadau am lenyddiaeth i gefnogi cydweithrediad neu brosiectau yng Ngogledd Cymru. Mae’r chwiliadau yn cynnwys chwilio am ystod o ffynonellau gan gynnwys cronfeydd data, y rhyngrwyd, a gwefannau penodol, i adnabod ymchwil, enghreifftiau o arferion da, canllawiau neu wybodaeth berthnasol arall.

Mae chwiliadau diweddar sydd wedi’u cwblhau yn cynnwys : dementia a gofal brys, gofalwyr di-dâl, gofal cartref, strategaethau / canllawiau dementia, ymyriadau diabetes math 2, gofalwyr ifanc, plant sydd angen gofal a chymorth, ac iechyd meddwl plant.

Os hoffech ragor o wybodaeth am unrhyw un o’r chwiliadau rydym wedi’u cwblhau, cysylltwch â Rebecca Roylance Rebecca.roylance@sirddinbych.gov.uk

Crynodebau o dystiolaeth

Ysgrifennwyd crynodebau o dystiolaeth mewn ymateb i geisiadau am wybodaeth ar bynciau penodol. Maent yn rhoi trosolwg o ymchwil neu wybodaeth ar bwnc penodol, gan grynhoi’r canfyddiadau/ canlyniadau.

Ymwadiad: Mae crynodebau tystiolaeth yn cynnwys detholiad o adroddiadau a thystiolaeth berthnasol, nid ydynt yn rhestrau cynhwysfawr, ac maent yn cyflwyno canfyddiadau allweddol yn hytrach nag argymhellion ar gyfer ymarfer.