Mae’r bwletin hwn yn edrych ar y data cryno ar bynciau o Gyfrifiad 2021 ar gyfer Cymru a Lloegr ar gyfer crefydd preswylwyr arferol a chyfansoddiad crefyddol aelwydydd. Cyhoeddwyd y data ar 29 Tachwedd 2022 gan y Swyddfa Ystadegau Gwladol (ONS). Mae’n darparu amcangyfrifon poblogaeth ac aelwydydd heb eu talgrynnu ar lefel Gogledd Cymru ac awdurdod unedol.

Cyflwynodd y cyfrifiad gwestiwn gwirfoddol am grefydd yn 2001. Yn nata’r cyfrifiad, mae crefydd yn cyfeirio at ymlyniad crefyddol person. Dyma’r grefydd y maent yn cysylltu neu’n uniaethu â hi, yn hytrach na’u credoau neu eu harferion crefyddol gweithredol.

Prif bwyntiau

• Bu cynnydd sylweddol rhwng 2011 a 2021 yn nifer a chyfran y bobl a ddywedodd nad oedd ganddynt unrhyw grefydd yng Ngogledd Cymru. Cydbwyswyd hyn gan leihad sylweddol yn y rhai a nododd eu bod yn Gristnogion.
• Yn 2021, nododd 286,722 o breswylwyr arferol dim crefydd. Roedd hyn yn 41.7% o’r boblogaeth ac yn gynnydd sylweddol o 26.9% yn 2011. Roedd y gyfran uchaf yng Ngwynedd ar 44.2% ac isaf yn Sir y Fflint ac Ynys Môn ar 40.7%.
• Ar draws Cymru gyfan dywedodd mwy o bobl nad oedd ganddynt unrhyw grefydd (46.5%) nag unrhyw ymlyniad crefyddol unigol. Ar gyfer Cymru a Lloegr y gyfran oedd 37.2%.
• Cyfran y bobl a nododd eu bod yn Gristnogion oedd 49.8% neu 341,972 o bobl. Roedd hyn yn ostyngiad sylweddol o gymharu â 2011 pan oedd y ffigyrau yn 63.9%. Roedd y gyfran uchaf yn Sir y Fflint ac Ynys Môn ar 51.5% ac isaf yng Ngwynedd ar 46.2%. Roedd gan Sir Ddinbych a Wrecsam hefyd lai na hanner y boblogaeth yn nodi eu bod yn Gristnogion. (Cymru yn 2021 = 43.6% a Chymru a Lloegr = 46.2%).
• Mae poblogaeth Gogledd Cymru yn llai amrywiol o ran crefydd na’r cyfartaleddau cenedlaethol. Roedd cyfanswm o 12,353 o bobl neu 1.8% o’r boblogaeth yn uniaethu â chrefydd heblaw Cristnogaeth. Mae hyn yn cymharu â 3.6% ar draws Cymru a 10.6% ar gyfer Cymru a Lloegr y gyfran.
• Yn 2021 oedd hyn yn cynnwys 0.8% o’r boblogaeth a nododd eu bod yn Fwslimaidd (5,326 o breswylwyr arferol) sef yr ail grefydd fwyaf. Roedd y gyfran uchaf yn Wrecsam ar 1.1% ac isaf yn Sir y Fflint ac Ynys Môn ar 0.5%. (Cymru yn 2021 = 2.2% a Chymru a Lloegr = 6.5%).
• Ychydig o newid a welwyd ers 2011 yng nghyfrannau’r boblogaeth a oedd yn uniaethu â grwpiau crefyddol heblaw Cristnogion ar gyfer Gogledd Cymru gyfan neu ar gyfer ardaloedd awdurdodau unedol unigol.

Gweler hefyd

• Cyfrifiad 2021: canlyniadau cyntaf
• Cyfrifiad 2021: demograffeg a mudo
• Cyfrifiad 2021: cyn-filwyr lluoedd arfog y Deyrnas Unedig
• Cyfrifiad 2021: grŵp ethnig
• Cyfrifiad 2021: prif iaith
• Cyfrifiad 2021: addysg
• Cyfrifiad 2021: cyfeiriadedd rhywiol a hunaniaeth o ran rhywedd

Mae’r ONS hefyd wedi cyhoeddi Crefydd, Cymru a Lloegr: Cyfrifiad 2021 yng Nghymru a Lloegr sydd yn cynnwys data hyd at ardal gynnyrch.

Cysylltwch â ni

Hwb Cydlynu Arloesi Rhanbarthol Gogledd Cymru

Email: hcargc@sirddinbych.gov.uk

Ffôn: 01824 712432