Cawsom ddiwrnod gwych yn Theatr Clwyd ar 21 Tachwedd yn edrych ar y strategaeth ddementia. Diolch yn fawr iawn i bawb a gyfrannodd.
Roedd tua 150 o bobl yn bresennol ar y diwrnod, a gwnaethom ffilmio’r digwyddiad i’r rhai na allai fod yno, a rhannu’r fideo a’r taflenni er mwyn iddynt ddal allu cymryd rhan.
Roedd llawer o gefnogaeth yn y digwyddiad ar gyfer datblygu strategaeth ar draws Gogledd Cymru, datblygu cefnogaeth fwy cyson i bobl yn y rhanbarth a chydweithio’n well. Roedd adborth cadarnhaol iawn am faint roedd pobl wedi’i ddysgu gan ei gilydd am brofiad go iawn pobl sy’n byw gyda dementia, a gofalwyr, a’r gwahanol wasanaethau sydd ar gael i’w cefnogi.
Isod, gallwch lawrlwytho adroddiad llawn o’r digwyddiad yn seiliedig ar y nodiadau o’r diwrnod a’r ffurflenni gwerthuso. Bydd y wybodaeth hon yn bwydo i mewn i’r strategaeth gyda’r gwaith arall sydd wedi’i wneud hyd yma.
Yn y digwyddiad, gwnaethom sôn am rywfaint o waith mapio gwasanaeth sy’n dal i gael ei ddatblygu wrth i ni ei ddiweddaru ar sail adborth o’r digwyddiad. Os hoffech gopi ohono, cysylltwch â Sarah Bartlett i gael manylion. Ac os oes gennych unrhyw sylwadau eraill yr hoffech eu gwneud am waith y strategaeth, mae croeso i chi gysylltu â ni.