Gweithlu

Bwrdd Gweithlu Gogledd Cymru

Mae Bwrdd Gweithlu Gogledd Cymru’n adrodd i Fwrdd Partneriaeth Rhanbarthol Gogledd Cymru. Mae’r Bwrdd yn cyfarfod bob yn ail fis i roi trosolwg o amrediad o feysydd gweithlu strategol. O fewn y 12 mis diwethaf, bu estyniad ar yr aelodaeth, gan adlewyrchu amrediad eang o sefydliadau a chyfoethogi’r trafodaethau, sicrhau ein bod â’r bobl gywir yn gweithio yn y Bwrdd i symud y Rhaglen Gweithlu Genedlaethol yn ei blaen.

Mae’r blaenoriaethau trosfwaol ar gyfer Bwrdd Gweithlu Gogledd Cymru yn cynnwys (gellir gweld manylion pellach yn ein rhaglen isod):

• Sefydlogi’r gweithlu
• Dysgu a datblygiad
• Gwybodaeth a chynllunio’r gweithlu

Ymunwch â phorth y darparwr

Strategaeth Gweithlu Gofal Cymdeithasol ac Iechyd Cymunedol Gogledd Cymru 2018-2021

Mae Bwrdd Gweithlu Gogledd Cymru yn falch o gyhoeddi Strategaeth derfynol Gweithlu Gofal Cymdeithasol ac Iechyd Cymunedol Gogledd Cymru 2018-2021. Roedd datblygu’r Strategaeth yn brosiect uchelgeisiol a oedd yn ymdrin â’r Gweithlu Gofal Cymdeithasol ac Iechyd Cymunedol ar draws Gogledd Cymru.
Cafodd ei datblygu drwy sawl trafodaeth gyda sefydliadau ar draws y sector iechyd a gofal cymdeithasol. Mae’n nodi ein hymrwymiad strategol cydweithredol ar gyfer y gweithlu gofal cymdeithasol ac iechyd cymunedol.

Cafodd y Strategaeth ei chymeradwyo gan Fwrdd Partneriaeth Rhanbarthol Gogledd Cymru ym mis Chwefror 2018.