5 Mawrth 2025

Am y rhan fwyaf o’r diwrnod, bydd yr arddangosfa yn canolbwyntio ar helpu gweithwyr proffesiynol sy’n gweithio ym maes gofal cymdeithasol i ddysgu sut i ddefnyddio technoleg i gefnogi’r bobl y maent yn gofalu amdanynt yn well. Ond gan ddechrau am 1:30pm, rydym yn agor yr arddangosfa i bawb, gan gynnwys pobl sy’n defnyddio gofal cymdeithasol a’u teuluoedd!

Mae hwn yn gyfle gwych i archwilio sut y gall technoleg helpu i wneud tasgau bob dydd yn haws, fel apiau sy’n eich atgoffa i gymryd eich meddyginiaeth, neu declynnau cartref craff sy’n rheoli’ch goleuadau a’ch gwres. Byddwn yn cynnal sgyrsiau a gweithgareddau ymarferol drwy gydol y prynhawn, bydd y rhain ar gyfer pobl ag anableddau dysgu, problemau symudedd, pobl hŷn ac unrhyw un a allai fod angen cymorth.

Ar ôl y sgyrsiau, mae croeso i chi grwydro trwy ein neuadd arddangos, lle gallwch chi sgwrsio â chwmnïau am eu cynhyrchion. Byddwch hyd yn oed yn cael cyfle i roi cynnig ar bethau fel apiau, clustffonau rhith-realiti, a mwy!

Beth os byddaf yn dod o hyd i rywbeth a allai fy helpu?

Os gwelwch rywbeth a allai wneud bywyd ychydig yn haws, efallai y gallwch chi ddechrau ei ddefnyddio ar unwaith. Er enghraifft, efallai y byddwch chi’n darganfod rhai apiau defnyddiol y gallwch eu lawr lwytho am ddim neu am gost isel i’ch ffôn clyfar.

Gallech hefyd edrych ar rai teclynnau y gallwch eu prynu eich hun, fel technoleg gartref craff a all helpu i wneud pethau’n haws o amgylch y tŷ.

Hoffem hefyd gael eich adborth ar feddalwedd a theclynnau newydd posibl y bydd cynghorau yn penderfynu buddsoddi ynddynt yn y dyfodol.

Dywedwch wrthym os ydych am fynychu’r sgyrsiau a’r gweithgareddau

Ffoniwch Natalie ar 01824 712530 neu e-bostiwch nwrich@sirddinbych.gov.uk

Rhowch wybod i ni os oes angen gwybodaeth arnoch mewn fformat arall neu os oes gennych unrhyw anghenion eraill.

I ymweld â’r neuadd arddangos, dewch draw ar ôl 1.30pm ar y diwrnod.

Mwy o wybodaeth

I gael rhagor o wybodaeth am y digwyddiad i bobl sy’n cynllunio ac yn darparu gofal cymdeithasol, ewch i’n gwefan: Arddangosfa Gofal Cymdeithasol Digidol Gogledd Cymru 2025