Rydym yn chwilio am bobl i ymuno â’n tîm gwych o wirfoddolwyr!
Os oes gennych ddiddordeb mewn gwirfoddoli yn un o Ganolfannau Dementia Gogledd Cymru, neu os hoffech ragor o wybodaeth, cysylltwch â:
Ffôn: 01492 542212 dydd Llun i ddydd Gwener 9am i 5pm
E-bost: NWmemorysupport@ctnw.org.uk
Gallwch roi cyn lleied neu gymaint o’ch amser ag y dymunwch!
Mae Llwybr Cymorth Cof Gogledd Cymru yn cynnig cefnogaeth wedi’i theilwra i bobl sy’n byw gyda dementia. Mae hyn yn cynnwys unigolion sy’n poeni am faterion cof, y rhai sy’n byw gyda dementia gartref neu yn yr ysbyty, a’u ffrindiau, eu teulu a’u gofalwyr.
Gellir cael cymorth drwy ymweld neu gysylltu ag un o chwe Chanolfan Dementia. Lleolir y canolfannau yn Llangefni, Bangor, Bae Colwyn, Dinbych, Treffynnon, a Wrecsam.
Mae’r Canolfannau Dementia yn cynnig amrywiaeth eang o wasanaethau, gan gynnwys:
- gwybodaeth a chyngor
- siaradwyr gwadd
- cefnogaeth emosiynol a chyfoed
- Clinigau iechyd
Mae’r Canolfannau Dementia yn cael eu staffio gan Gydlynydd Dementia yn rhan-amser ac yn cael eu cefnogi gan wirfoddolwyr.
Mae gwirfoddolwyr yn ased gwerthfawr i’r Canolfannau Dementia, gan ddarparu cefnogaeth groeso mewn sesiynau a gweithgareddau grŵp. Rydym yn chwilio am wirfoddolwyr a hoffai gefnogi eu cymuned leol ac ymuno â’n tîm gwych.
Pam dod yn wirfoddolwr?
- Bydd gwirfoddoli yn un o’r Canolfannau Dementia yn rhoi cyfle i chi ddysgu sgiliau newydd a rhannu eich profiadau.
- Byddwch yn cael eich amgylchynu gan bobl sy’n angerddol am ofal a chymorth dementia, pobl sydd wir eisiau gwneud gwahaniaeth.
- Gall yr amser a roddwch gael effaith enfawr ar fywyd rhywbeth sy’n byw gyda dementia, yn ogystal â’u ffrindiau, eu teulu a’u gofalwyr.
