Rydym i gyd yn defnyddio technoleg mewn ffyrdd gwahanol. Mae rhai pobl yn hoff o bob teclyn newydd tra byddai’n well gan eraill gael sgwrs wrth siopa na cheisio defnyddio peiriant hunanwasanaeth.
Daeth y syniad ar gyfer y sioe gofal cymdeithasol digidol gan bobl sy’n angerddol dros y manteision y gall technolegau newydd eu cyflwyno i fywydau pobl. Ond er mwyn cynnal digwyddiad defnyddiol iawn mae angen i ni ddeall beth mae ystod wahanol o bobl yn ei feddwl, gan gynnwys y rhai sy’n amheus!
I wneud hyn, rydym yn siarad gyda grwpiau gwahanol ynglŷn â beth fyddai’n gwneud y digwyddiad yn ddefnyddiol iddyn nhw. Rydym wedi cael sgyrsiau gwych hyd yma, a diolch i Fwrdd Prosiect Anableddau Dysgu Gogledd Cymru, y Bwrdd Gweithlu, y Bwrdd Comisiynu, Grŵp Technolegau Cynorthwyol Gofal Cymdeithasol a’r Rhwydwaith Arloesi Rhanbarthol, am roi amser i ni yn eich cyfarfodydd.
Rydym wedi dysgu pa mor fuddiol oedd technoleg i bobl gadw mewn cysylltiad yn ystod y cyfnodau clo a sut y gall helpu i roi mwy o reolaeth i ni dros ein bywydau ein hunain. Ond hefyd, bod pryderon dilys pan fo technoleg yn cymryd drosodd gan bobl y gallwn golli cyfle ar gyfer cysylltiad cymdeithasol. Gobeithiwn y bydd y digwyddiad yn gyfle i ni ddysgu gyda’n gilydd ynglŷn â’r ffyrdd gorau o wneud i dechnoleg weithio i ni.
Byddem wrth ein boddau’n siarad gyda mwy o grwpiau ynglŷn â’ch profiadau o ddefnyddio technoleg mewn gofal cymdeithasol i’n helpu i gynllunio digwyddiad defnyddiol a hygyrch. Os hoffech gymryd rhan neu rydych yn fodlon i ni siarad gyda’ch grŵp, cysylltwch â ni ar nwrich@denbighshire.gov.uk. Edrychwn ymlaen at glywed gennych!
Darllenwch fwy ar ein gwefan Sioe Arddangos Gofal Cymdeithasol Digidol Gogledd Cymru.
5 Mawrth 2025
Venue Cymru, Llandudno
