Bwrdd Partneriaeth Rhanbarthol Gogledd Cymru

Cydweithio i sicrhau iechyd a lles pobl o bob oed yng Ngogledd Cymru.

Sefydlwyd Bwrdd Partneriaeth Rhanbarthol Gogledd Cymru i fodloni Rhan 9 Deddf Gwasanaethau Cymdeithasol a Llesiant (Cymru) 2014. Mae’r Bwrdd yn cydweithio â phartneriaid i gefnogi lles pobl o bob oed ar hyd a lled gogledd Cymru. Mae’r partneriaid yn cynnwys y chwe awdurdod lleol yng ngogledd Cymru, Bwrdd Iechyd Prifysgol Betsi Cadwaladr a phartneriaid statudol a gwirfoddol eraill, gan gynnwys y gwasanaeth tai, yr heddlu a’r gwasanaeth tân. Mae’r Bwrdd yn goruchwylio’r gwaith o gynllunio ac integreiddio gwasanaethau i sicrhau bod gofal a chymorth effeithiol ar gael i fodloni anghenion y boblogaeth.

Mae rhagor o wybodaeth am y Bwrdd gan gynnwys aelodaeth, adroddiad blynyddol a chofnodion ar gael isod.

I gael rhagor o wybodaeth am ddarparu gwasanaethau cymdeithasol ac iechyd yn eich ardal, gan gynnwys ceisiadau rhyddid gwybodaeth, cysylltwch â’ch awdurdod lleol neu’ch Bwrdd Iechyd yn uniongyrchol.