Cyfarfu defnyddwyr RITA (Gweithgareddau Therapi Hel Atgofion Rhyngweithiol) Gogledd Cymru am y tro cyntaf ar 4 Gorffennaf 2023 yn Wrecsam. Mae’r dyfeisiau digidol 10” a’r sgriniau 24” yn cael eu defnyddio mewn lleoliadau gofal iechyd gan ofalwyr, ymarferwyr gofal iechyd ac unigolion sy’n cael gofal.
Mae’r dechnoleg yn galluogi unigolion i gofio a rhannu digwyddiadau o’u gorffennol drwy wrando ar gerddoriaeth, gwylio ffilmiau, hen glipiau teledu a delweddau o’r archif. Cefnogir gofal sy’n canolbwyntio ar yr unigolyn drwy ffefrynnau cynnwys personol, llyfrau fy mywyd, collage a phasbortau ac mae apiau i helpu gyda diagnosis, tynnu sylw a deliriwm.
Cynlluniwyd RITA i gael ei ddefnyddio â phobl hŷn yn cynnwys pobl â dementia, pobl â salwch iechyd meddwl, anableddau dysgu ac anafiadau difrifol i’r ymennydd fel ffordd o ymgysylltu â nhw i leihau gofid, unigedd a deliriwm.
Mynychodd staff o Wasanaeth Ambiwlans Cymru, nyrsys, therapyddion galwedigaethol, gofalwyr, rheolwr cartrefi gofal a CPD Wrecsam i rannu eu profiadau a gwybodaeth a chlywed am y dechnoleg ddiweddaraf.
Cafodd staff ddewis mynychu ar-lein neu wyneb yn wyneb. Roedd y digwyddiad yn llawn a daeth â staff â gwahanol sgiliau a phrofiadau at ei gilydd a chawsant gyfle i rannu gwybodaeth;
- Trefnodd Therapyddion Galwedigaethol Cymunedol ymweliadau â chartrefi gofal preswyl i adolygu sut roedd RITA yn cael ei ddefnyddio â phreswylwyr
- Estynnodd defnyddwyr preswyl sydd wedi arfer defnyddio RITA wahoddiad i leoliadau eraill ymweld â nhw i weld sut maent yn defnyddio RITA yn eu gwaith
- Cynlluniwyd sgwrs gan Kate Evans, y Cydlynydd Dementia sy’n Canolbwyntio ar yr Unigolyn ym Mhrifysgol Glyndŵr Wrecsam â myfyrwyr Therapi Galwedigaethol am RITA. Nodwyd eu lleoliadau gwaith fel ffordd allweddol o hyrwyddo RITA ar draws lleoliadau iechyd a gofal.
Ydych chi’n defnyddio RITA yng Ngogledd Cymru? I gael manylion am y rhwydwaith nesaf i ddefnyddwyr neu os oes gennych unrhyw gwestiynau, cysylltwch â’r Hwb Cydlynu Arloesi Rhanbarthol.