Canolfannau Dementia Gogledd Cymru

Beth mae’r canolfannau dementia yn ei gynnig?

Mae’r Canolfannau Dementia yn cynnig:

• gwybodaeth a chyngor
• hyfforddiant ac addysg
• sesiynau hanes cymdeithasol
• addasu i sesiynau newidiadau ymddygiadol
• sesiwn cynllunio’r dyfodol
• siaradwyr gwadd
• cefnogaeth emosiynol
• clinigau iechyd fel awdioleg/ceiropody / deintyddol/golwg
• cefnogaeth hirdymor drwy glybiau cymorth cymheiriaid
• cadw mewn cysylltiad â galwadau

Mae’r Canolfannau Dementia yn cael eu staffio gan Gydlynydd Dementia rhan-amser a’u cefnogi gan wirfoddolwyr.

Sesiynau gwybodaeth a chyngor

Gallwch fynychu sesiynau gwybodaeth grŵp yn un o’n Canolfannau Dementia os ydych chi’n byw gyda dementia neu’n ofalwr di-dâl. Mae sesiynau un i un hefyd ar gael os nad ydych yn teimlo’n barod i fynychu sesiwn grŵp ac mae sesiynau ffôn ar gael i bawb.

Gwasanaethau

Mae amrywiaeth o wasanaethau ar gael yn y Canolfannau Dementia. Mae rhai o’r canolfannau yn cynnig gwasanaethau megis:

• trin gwallt
• podiatreg (gofalu am eich traed)
• awdioleg (gofalu am eich clustiau)
• gwiriadau deintyddol ac addysg
• gwiriadau golwg ac addysg

Nid yw rhai Canolfannau Dementia yn gallu cynnig yr holl wasanaethau hyn ar hyn o bryd. Fodd bynnag, mae pob un o’r Canolfannau Dementia ledled Gogledd Cymru yn gweithio tuag at gynnig yr holl wasanaethau hyn yn y dyfodol.

Gweithgareddau

Mae rhai gweithgareddau sy’n cael eu cynnal yn ein Canolfannau Dementia yn cynnwys:

• grwpiau ymarfer corff
• sesiynau ymwybyddiaeth ofalgar
• grwpiau crefft
• sesiynau boccia
• teithiau dydd

Siaradwyr Gwadd

Os byddwch yn mynychu un o’n Canolfannau Dementia, mae cyfleoedd i glywed gan ystod o siaradwyr gwadd gan gynnwys:

• heddlu
• safonau masnach
• deietegwyr
• optegwyr
• fferyllwyr