Lead Organisation: Rhwydwaith Cydraddoldeb Sector Cyhoeddus Gogledd Cymru
Cynhaliodd y Rhwydwaith Cydraddoldeb Sector Cyhoeddus Gogledd Cymru Ddigwyddiad Rhwydweithio i Randdeiliaid ar 24 Mai 2018. Mae’r rhwydwaith yn cynnwys y bwrdd iechyd, chwe chyngor lleol arall, yr Heddlu, Gwasanaethau Ambiwlans, Gwasanaeth Tân ac Achub ac eraill.
Mae’r adroddiad yn cynnwys adborth ar y 6 amcan cydraddoldeb:
- Mynd i’r afael ag anghydraddoldebau mewn iechyd
- Mynd i’r afael ag anghydraddoldeb mewn addysg
- Mynd i’r afael ag anghydraddoldebau mewn cyflogaeth a chyflog
- Mynd i’r afael ag anghydraddoldeb o ran diogelwch personol
- Mynd i’r afael ag anghydraddoldebau mewn cynrychiolaeth a llais
- Mynd i’r afael ag anghydraddoldeb o ran cael mynediad at wybodaeth, gwasanaethau, adeiladau a’r amgylchedd
Negeseuon allweddol ar gyfer gwasanaethau iechyd a gofal cymdeithasol o’r digwyddiad yn cynnwys:
- Yr angen i fynd i’r afael ag anghydraddoldebau iechyd, yn arbennig rhai sy’n berthnasol i dlodi. Presgripsiynu cymdeithasol ac amlygwyd rôl bwysig sefydliadau’r trydydd sector fel cyfleoedd i helpu.
- Staff cymorth drwy fynd i’r afael â throsedd casineb yn berthnasol i’w swyddi.
- Codi ymwybyddiaeth a helpu i adnabod a mynd i’r afael ag anghenion iechyd meddwl pobl sydd wedi profi cam-drin domestig neu gaethwasiaeth fodern.
- Gwneud yn siŵr fod adeiladau yn hygyrch a darparu llefydd gwahanol i ystafelloedd aros cyhoeddus i bobl sydd eu hangen.
- Bod yn fwy ‘ymwybodol o fyddardod’ a staff cymorth i ddysgu a defnyddio Iaith Arwyddion Prydain (BSL).
- Symud oddi wrth y model meddygol i’r model cymdeithasol o anabledd, gwella’r defnydd o iaith mewn perthynas â phobl anabl a’r defnydd o ddelweddau positif, er enghraifft i bobl hŷn.
Y gwasanaethau a grybwyllwyd sydd angen gwelliannau oedd:
- Cefnogaeth i bobl yn byw gyda chyflyrau niwrolegol, cydnabyddiaeth a diagnosis o Aspergers a chyfeirio at ddiagnosis hwyr o awtistiaeth mewn merched.
- Cefnogaeth i bobl gydag anaf ar yr ymennydd.
- Gwasanaeth iechyd meddwl ar gyfer pobl hŷn sydd ddim yn canolbwyntio’n unig ar ddementia ac anghenion iechyd i bobl hŷn sydd ddim yn gysylltiedig â heneiddio.
- Gwell darpariaeth iechyd ar gyfer cymunedau Sipsi, Roma a Theithwyr fel brechiadau a sgrinio.
- Gweithredu llwybr hunaniaeth o ran rhywedd
- Diogelu yn cynnwys mynd i’r afael â cham-drin henoed, cam-drin domestig, trosedd seibr, trosedd casineb a thwyll dros y ffôn.
- Angen adolygiadau rheolaidd ar gefnogaeth i ofalwyr.
- Angen mwy o ddewis ar gyfer llety i bobl gyda nam gwybyddol.
Dywedodd y cyfranogwyr hefyd am yr angen i gydweithio’n well, rhannu gwybodaeth ac i wella’r broses o hel straeon a phrofiadau cleifion fel tystiolaeth i fynd i’r afael ag anghydraddoldebau. Dyma nhw hefyd yn pwysleisio’r pwysigrwydd o ddarparu adborth am y gwahaniaeth y mae ymgynghori ac ymgysylltu yn ei gael. Mae’r adroddiad llawn ar gael yma https://bipbc.gig.cymru/use-of-site/cynllun-cyhoeddi/class-five-our-policies-and-procedures/cydraddoldeb-a-hawliau-dynol/rhwydweithiau-cydraddoldeb-a-hawliau-dynol/.