Lead Organisation: Cyngor Sir Ddinbych
Cyflawnwyd yr ymgysylltiad â’r gymuned leol hwn am ofal cymdeithasol gan Practice Solutions yn Ninbych. Cafodd yr ymgysylltiad ei wneud yn ystod y cyfnod clo felly roedd rhyngweithiad wyneb yn wyneb yn gyfyngedig ond fe gymerodd 126 o bobl ran trwy arolwg ar-lein, cyfweliadau dros y ffôn ac ar e-bost. Mae hyn yn cynnwys 96 o ddinasyddion lleol a 30 o weithwyr proffesiynol /arweinwyr cymunedol.
Canfyddiadau Allweddol
Llesiant a gwasanaethau ataliol: Mae ystod eang o wasanaethau yn cefnogi lles pobl yn y gymuned, yn cynnwys y sector gyhoeddus, trydydd sector a’r gymuned ei hun. Roedd ystod dda o wasanaethau cymunedol yn cael eu defnyddio’n rheolaidd gan breswylwyr yn cynnwys siopau ac archfarchnadoedd, grwpiau cerdded, llyfrgelloedd a gwasanaethau Meddyg Teulu.
Cefnogaeth a chadernid cymunedol: Pwysleisiwyd y pwysigrwydd o gael ffrindiau a chymdogion i ddarparu cefnogaeth o ddydd i ddydd ar gyfer siopa, ac i leihau’r teimlad o fod yn unig – yn enwedig yn ystod y pandemig. Roedd sawl ymateb yn gadarnhaol bod ymdeimlad cryf o gymuned yn y dref gyda llawer o bobl yn cefnogi ei gilydd.
Y Gymraeg: Roedd ymdeimlad cryf ynglŷn â’r pwysigrwydd o allu cael mynediad i wasanaethau yn ymwneud â gofal a chefnogaeth yn yr iaith o’ch dewis. Roedd llawer yn yr arolwg, y rheiny a gafodd eu cyfweld, yn dweud fod yna ddiffyg staff sy’n gallu siarad Cymraeg yn y gwasanaethau. Roedd hynny’n arbennig o bwysig i deuluoedd gyda pherthnasau oedd yn derbyn gofal a chymorth, yn arbennig mewn cartrefi gofal.
Mynediad at ofal iechyd: Roedd consensws cyffredinol fod y ddarpariaeth gofal iechyd yn Ninbych yn dda ac yn hygyrch. Roedd llawer o ddefnydd a pharch gan breswylwyr at wasanaethau’r Inffyrmari a meddygfeydd Meddygon Teulu. Mae preswylwyr yn gwerthfawrogi cyfraniad yr inffyrmari ond teimlai rhai bod lefel isel annigonol o gefnogaeth feddygol ar gael yno. Mae cynlluniau yn eu lle ar hyn o bryd i uwchraddio’r inffyrmari fel ei fod yn gallu cyflenwi mwy o wasanaethau yn lleol.