Roedd effaith pandemig y coronafeirws yn pwysleisio’r angen i ddarparu mecanwaith cymorth addas i ddarparwyr gofal ar draws y rhanbarth.
Arweiniodd trafodaethau cynnar gyda Bwrdd Iechyd Prifysgol Betsi Cadwaladr (BIPBC) at ddatblygu a gweithredu Memorandwm Cyd-ddealltwriaeth (MC-d), gan alluogi darparwyr gofal i gael mynediad at staff banc BIPBC i gyflenwi dros brinder staff.
Wrth i’r pandemig barhau, roedd angen gwelliant parhaus i’r MC-d hefyd. Cafodd y meini prawf ar gyfer angen eu mireinio, eglurwyd cyfrifoldebau’r rhai dan sylw a gwnaeth y broses cymorth gweinyddol yn fwy cadarn. Dewisodd pob un o’r chwe Awdurdod Lleol (ALl) ymrwymo i’r cytundeb gyda BIPBC, i ddefnyddio’r cyfleuster yn ôl yr angen.
Unwaith eto, bydd y MC-d yn cael ei ailystyried fel rhan o’r flaenraglen waith. Bydd y gwersi a ddysgwyd yn cael eu nodi a bydd y MC-d yn cael ei adolygu i sicrhau bod y meini prawf, y cyfrifoldebau a’r prosesau yn parhau’n ddilys, gyda gwelliant yn cael ei gyflwyno lle bynnag y bo modd.