‘Caiff ‘ENRICH Cymru’, y Rhwydwaith Galluogi Ymchwil mewn Cartrefi Gofal, ei gynnal ar y cyd gan y Ganolfan Ymchwil i Heneiddio a Dementia ac Ysgol Ymchwil Gofal Cymdeithasol Cymru.
Bwriad ENRICH Cymru yw gwella bywydau pobl hŷn sy’n byw mewn cartrefi gofal ar draws Cymru drwy sefydlu rhwydwaith o gartrefi gofal ‘barod am ymchwil’ a chefnogi’r gwaith o greu ymchwil ar y cyd sy’n berthnasol i faterion cyfoes yn y sector cartrefi gofal yng Nghymru.
Caiff ENRICH Gogledd Cymru ei lansio ddydd Iau, 13 Medi 2018, 10:00 – 16:00 yng Nghanolfan Busnes Conwy. Mae’r digwyddiad yn rhoi cyfleoedd ar gyfer:
- Rhwydweithio
- Rhannu arfer da
- Cyfnewid syniadau ymchwil
- Edrych ar gynlluniau newydd mewn ymchwil ym maes gofal cymdeithasol drwy drafodaethau rhyngweithiol
- Adeiladu cydweithio academaidd/ymarfer
Mae’r digwyddiad yn tynnu sylw at fanteision ymchwil mewn cartrefi gofal, yr hyn mae’n ei olygu i gymryd rhan a sut gall eich cartref ymwneud â hyn; gan glywed gan ymchwilwyr a staff cartrefi gofal sydd wedi cymryd rhan mewn ymchwil.
Am ragor o wybodaeth ac i gadw’ch lle i’r digwyddiad am ddim yma, cysylltwch â Gill Toms (g.toms@bangor.ac.uk) neu ffonio 01248 388463 erbyn 31/08/2018.