Ydych chi’n defnyddio neu ddarparu gwasanaethau gofal a chymorth yng Ngogledd Cymru? Fe hoffem ni gael gwybod eich barn chi am y gofal a’r cymorth sydd ar gael ar hyn o bryd, a sut y gellid ei wella.
Mae’r arolwg hwn bellach wedi cau. Os hoffech mwy o wybodaeth am ddiweddariad yr Asesiad Anghenion Poblogaeth, ebostiwch cydweithredfagogleddcymru@sirddinbych.gov.uk
Fersiynau amgen o’r arolwg
Fersiwn pobl ifanc
Fersiwn hawdd ei darllen
Fersiwn mewn print
Fersiwn Iaith Arwyddion Prydain
Manylion yr arolwg
Mae gofal a chymorth yn cynnwys cymorth gyda thasgau byw dydd i ddydd oherwydd salwch neu anabledd corfforol neu feddyliol i bobl o bob oed. Mae’n cynnwys plant a phobl ifanc â phrofiad o ofal maeth neu fabwysiadu yn ogystal â gofalwyr di-dâl sy’n darparu cymorth i deulu neu ffrindiau.
Bu i ni gyhoeddi adroddiad llawn ddiwethaf ar y gwasanaethau sydd eu hangen yn 2017, ac ers hynny rydym wedi cyhoeddi diweddariadau am ofalwyr, anableddau dysgu, dementia ac effaith Covid-19 ar bob grŵp. Mae’r adroddiadau hyn ar gael ar ein gwefan: Asesiadau o Anghenion y Boblogaeth.
Byddwn hefyd yn defnyddio gwybodaeth o weithgareddau ymgysylltu eraill, felly os ydych chi eisoes wedi rhoi adborth tebyg am wasanaethau yng ngogledd Cymru i gyngor lleol neu bwrdd iechyd, does dim angen i chi lenwi’r holiadur hwn hefyd. Fodd bynnag, os oes gennych unrhyw adborth neu adroddiadau yr ydych yn meddwl y buasai’n ddefnyddiol ar gyfer y prosiect, anfonwch ebost atom i northwalescollaborative@denbighshire.gov.uk. Mae mwy o wybodaeth am y prosiectau rydym ni’n gweithio arnyn nhw i’w gweld ar ein gwefan: gweithgareddau ymgysylltu.
Mae’r arolwg yn cael ei gynnal gan Fwrdd Partneriaeth Rhanbarthol Gogledd Cymru, a sefydlwyd fel rhan o’r Ddeddf Gwasanaethau Cymdeithasol a Llesiant i wella sut mae gwasanaethau iechyd a gofal yn cael eu darparu ac i wella lles y boblogaeth.
Bydd yr wybodaeth y byddwch yn ei darparu’n cael ei defnyddio i wella gwasanaethau iechyd a gofal cymdeithasol, a bydd crynodeb o’r canfyddiadau’n cael ei gyhoeddi ar wefan y Bwrdd Partneriaeth Rhanbarthol. Ein bwriad yw cyhoeddi rhestr o sefydliadau a fu’n rhan o’r ymgynghoriad, ond fyddwn ni ddim yn cynnwys enwau pobl nag unrhyw wybodaeth arall allai ddatgelu pwy yw unigolion penodol.
