Lead Organisation:
Roedd yr ymgynghoriad ar gyfer y strategaeth ddementia’n cynnwys pobl sy’n byw gyda dementia, gofalwyr, ffrindiau a theulu, yn ogystal â staff sy’n gweithio i’r bwrdd iechyd, cynghorau lleol a’r trydydd sector neu fudiadau gwirfoddol. Cymerodd ryw 250 o bobl ran rhwng mis Mai a mis Awst 2019.
Canfu’r ymgynghoriad fod llawer o gefnogaeth i ddefnyddio’r blaenoriaethau yng Nghynllun Gweithredu Dementia Llywodraeth Cymru fel sail ar gyfer y strategaeth ond ychwanegodd llawer o bobl y dylem hefyd gynnwys thema yn benodol am ofalwyr.
Beth sy’n gweithio’n dda
Roedd y meysydd y teimlai’r cyfranogwyr eu bod yn gweithio’n dda ar hyn o bryd yn cynnwys y canlynol.
- Mynediad i wasanaethau yn y gymuned, sy’n cynnwys cymorth i ofalwyr.
- Ymwybyddiaeth gynyddol o ddementia, yn enwedig oherwydd cynlluniau ‘cymunedau cyfeillgar i ddementia’.
- Cydweithio rhwng timau penodol a gyda gwahanol sefydliadau.
- Asesu a diagnosis.
- Nyrsys arbenigol i gefnogi pobl gyda dementia sy’n dechrau mewn pobl ifanc a phobl gydag anableddau dysgu sy’n dechrau dementia.
- Dechrau datblygu profion canfod dementia yn gynnar i unigolion gydag anableddau dysgu a syndrom Down.
Pwysleisiodd rai o’r sylwadau hyd yn oed gyda gwasanaethau da, mae lle i wella ac nid yw profiad pawb o’r gwasanaethau hyn yn gadarnhaol o reidrwydd. Roedd yna hefyd rai cyfranogwyr a ddywedodd nad oes dim byd yn gweithio’n dda ar hyn o bryd neu nid ydynt yn gwybod beth sy’n gweithio’n dda ar hyn o bryd.
Beth mae angen ei wella
Roedd y meysydd y teimlai’r cyfranogwyr fod angen eu gwella’n cynnwys y canlynol.
- Cymorth i ofalwyr
- Lleihau risgiau ac oedi dechreuad
- Codi ymwybyddiaeth a dealltwriaeth
- Cydnabod ac adnabod
- Asesu a diagnosis
- Byw cystal â phosibl am gyhyd ag sy’n bosibl gyda dementia
- Yr angen am gynnydd yn y gefnogaeth
Mae adroddiad llawn yr ymgynghoriad wedi’i atodi at Strategaeth Ddementia Gogledd Cymru.