Os oes gennych syniad da, her sydd angen ei datrys neu ffyrdd newydd o weithio yr hoffech eu rhannu, mae llawer o gymorth ar gael i’ch helpu i wneud hynny. Gall darganfod eich ffordd at y gwahanol fathau o gymorth sydd ar gael fod yn fwy o her. Rydym wedi awgrymu llwybrau y gallech eu dilyn isod er mwyn eich helpu i archwilio eich syniadau a dod o hyd i ffynonellau cymorth.
Syniad ar gyfer arloesi neu welliant
Er mwyn archwilio’r syniad, gallech:
- Gysylltu gyda’n llyfrgellydd arbenigol er mwyn darganfod os oes unrhyw beth tebyg wedi ei wneud o’r blaen – rebecca.roylance@sirddinbych.gov.uk
- Cysylltu gyda phobl sydd wedi gwneud rhywbeth tebyg er mwyn darganfod mwy. Gall yr hwb ymchwil eich helpu i gysylltu gyda phobl neu hyd yn oed i gynnal digwyddiad er mwyn dwyn pobl sydd â diddordeb archwilio syniad ynghyd.
- Ymweld â’r Rhwydwaith Cyd-Gynhyrchu am syniadau ynglŷn â sut i gydgynhyrchu gwasanaethau a datblygu arloesedd rhwng pobl sy’n defnyddio ac yn darparu gwasanaeth.
- Edrychwch ar y Cyfeiriadur Arloesedd Hwb Gwyddorau Bywyd.
- Awgrymwch bwnc y gall Technoleg Iechyd Cymru ei arfarnu. Maent yn arfarnu amrywiaeth eang o dechnolegau a modelau gofal a chymorth. Ar gyfer iechyd, gallai hyn gynnwys dyfeisiau meddygol, diagnosteg, triniaethau, a therapïau seicolegol. Ar gyfer gofal cymdeithasol, gallai hyn gynnwys offer a dylunio amgylcheddol, neu fodelau gwahanol ar gyfer cefnogi teuluoedd, plant, oedolion a’r gweithlu.
- Defnyddio modelau, prosesau a thechnegau gwella. Mae mwy o wybodaeth ar gael gan Academi Gwelliant Cymru
- Ymgeisiwch am batrwm enghreifftiol Bevan. Prosiectau iechyd a gofal arloesol yw’r rhain sydd yn derbyn hyfforddiant, rhwydweithio a sgiliau er mwyn gwneud newid trawsnewidiol. Am fwy o wybodaeth ewch i’r wefan
- Rhowch dro arno a chynhaliwch brosiect ymchwil / gwerthuso er mwyn gweld os yw’n gweithio. Gallai hwn fod yn brosiect y byddwch yn ei gyflawni eich hun. Ewch i’r Canllaw adnoddau defnyddio tystiolaeth Mae cymorth i ymarferwyr ddatblygu sgiliau ymchwil ar gael o ExChange Wales. Mae’n bosib y bydd cyllid ar gael hefyd.
Her neu broblem i’w datrys
Er mwyn archwilio’r syniad, gallech:
- Cysylltu â’n llyfrgellydd arbenigol er mwyn darganfod beth sydd ar gael ar hyn o bryd neu dystiolaeth i gynorthwyo gyda chais cyllido neu achos busnes – Rebecca.Roylance@sirddinbych.gov.uk
- Defnyddio technegau arloesol fel Labordai Byw neu feddwl dylunio, a darganfod a oes gan ddiwydiant ddatrysiad, neu os gallant helpu i ddatblygu datrysiad. Rydym wedi crynhoi peth o’r cymorth amrywiol sydd ar gael mewn blog.
- Ymunwch â chymuned ymarfer
- Amlygwch y peth fel blaenoriaeth ar gyfer ymchwil. Cysylltwch â ni am fanylion.
Ffyrdd newydd o weithio i’w mabwysiadu a’u lledaenu
Er mwyn rhannu’r syniad, gallech:
- Gadewch i ni yn yr Hwb Cydlynu Arloesi Rhanbarthol wybod amdano. Gallwn eich helpu i ysgrifennu amdano mewn blog ar gyfer ein cronfa ddata o syniadau da neu ei ddatblygu mewn podlediad neu fideo. Darllenwch fwy am sut rydym yn casglu ac yn lledaenu syniadau arloesol.
- Rhannwch gyda chasgliadau eraill o arferion da fel yr ‘Academy of Fab Stuff’ .
Os hoffech bori drwy syniadau ar gyfer ysbrydoliaeth, rydym wedi casglu llefydd da i ddechrau yn ein rhestr o adnoddau er mwyn darganfod tystiolaeth ac arferion da ac yn ein casgliad o syniadau da.
Adnoddau
Arloesi Iechyd a Gofal Cymdeithasol Cymru. Rydym yn eich helpu i droi eich syniad ar gyfer y GIG neu ofal cymdeithasol yn realiti gan ddefnyddio ein Fframwaith Arloesedd.
Cysylltwch â ni
Os hoffech gymorth gyda’r llwybrau hyn, cysylltwch â NWRICH@denbighshire.gov.uk er mwyn gweld sut gall yr Hwb Cydlynu Arloesi Rhanbarthol Gogledd Cymru eich helpu.
Os gwyddoch am adnoddau eraill y gallwn eu hychwanegu, gadewch i ni wybod os gwelwch yn dda.