Yn rhan o’n gwaith rhanbarthol ar y cyd i weithredu Deddf Gwasanaethau Cymdeithasol a Llesiant (Cymru) 2014, fe gynhaliwyd digwyddiad yng Nghanolfan OPTIC Prifysgol Glyndŵr ar 21 Gorffennaf 2017 i ddathlu defnyddio’r data craidd a’r hyn sy’n bwysig ar draws rhanbarth Gogledd Cymru o chwe chyngor a Bwrdd Iechyd Prifysgol Betsi Cadwaladr (BIPBC).
Mae’r ffordd rydym ni’n asesu angen a chymhwysedd pobl am ofal a chymorth yn newid. Sgyrsiau ar sail yr hyn sy’n bwysig i’r person yw ein hasesiadau newydd. Rhaid i’r asesiad hefyd gasglu gwybodaeth gyffredin, fel enwau, manylion cyswllt a dewis iaith; gwybodaeth sy’n cael ei galw’n set ddata graidd. Pwrpas hyn yw atal unigolion rhag gorfod ailadrodd yr un manylion sawl gwaith a’n helpu ni i ddarparu gwasanaethau sydd wedi’u cyd-drefnu’n dda.
Yn y digwyddiad, cafwyd anerchiad gan Neil Ayling, Prif Swyddog Gwasanaethau Cymdeithasol Sir y Fflint, a Gill Harris, Cyfarwyddwr Gweithredol Nyrsio. Yna, rhoddodd Eleri Evans, Uwch-nyrs yn Ysbyty Gwynedd, gyflwyniadau ar ddefnyddio’r set ddata graidd a’r hyn sy’n bwysig, gan ddarparu enghraifft o Ysbyty Ardal Cyffredinol. Yna, cafwyd enghreifftiau o dri tîm cymunedol gan Gwawr Job, Arweinydd Tîm Ffisiotherapi, BIPBC, Conwy; Paula Curtis, Therapydd Galwedigaethol, Awdurdod Lleol Sir y Fflint, Un Pwynt Mynediad a Kathryn Whitfield a Rhona McCarthy, Awdurdod Lleol Sir Ddinbych o dîm cymunedol Anableddau Dysgu integredig. Mae’r cyflwyniadau ar gael i’w lawrlwytho isod.
Mae’r digwyddiad wedi cadarnhau ein hymrwymiad cydasiantaethol i ddefnyddio’r set ddata graidd a’r hyn sy’n bwysig a’r enghreifftiau arbennig o arferion da a rannwyd yn y digwyddiad. Ein gwaith fydd parhau i sefydlu’r arfer o ddefnyddio data craidd a’r hyn sy’n bwysig yn rhan o’n dull sefydliadol.
Lawrlwythiadau
Sut ydw i’n cael mynediad at Ofal a Chymorth yng Ngogledd Cymru? Newidiadau Pwysig
Cyflwyniad 1 Ysbyty Llym – defnydd o set data craidd a’r hyn sy’n bwysig
Cyflwyniad 3 Un Pwynt Mynediad (SPOA): Sgwrs am yr hyn sy’n bwysig
Cyflwyniad 4 Tîm anabledd cymhleth “Beth sy’n Bwysig” Mewn Pwyntiau Siarad
Gadael sylw