Lead Organisation: Bwrdd Partneriaeth Rhanbarthol
Arolwg o rieni gyda phlant a phobl ifanc 0-18 oed yng ngogledd Cymru ynghylch y ffordd orau i gefnogi iechyd a lles emosiynol eu plant.
Mae Rhaglen Drawsnewid Plant a Phobl Ifanc wedi datblygu fframwaith i gefnogi iechyd, lles a gwytnwch emosiynol plant. I gefnogi’r gwaith yma bu iddyn nhw gomisiynu arolwg o rieni plant 8 i 11 oed i ganfod mwy am y gefnogaeth sydd arnyn nhw ei hangen. Roedd hwn yn arolwg prawf a gafodd ei gyflwyno wedyn i rieni grwpiau oedran eraill. Roedd yr arolwg yn cynnwys cwestiynau am y ‘Pum awgrym llesol’ sef cysylltu, bod yn actif, cymryd sylw, rhoi a pharhau i ddysgu.
Cafwyd 5,517 o ymatebion i’r arolwg. Canfyddwyd:
Y 3 math o gefnogaeth y mae ar rieni ei heisiau yw: nyrs ysgol/meddyg teulu, gwefan/podlediad a chymorth yn yr ysgol – roedd hyn yn ymateb cyson ar draws y grwpiau oedran.
Y tri phrif le y mae rhieni yn cysylltu i dderbyn cymorth yw: teulu/ffrindiau, gwasanaethau iechyd a’r ysgol – roedd hyn yn gyson ar draws yr ystod oedran.
Roedd 78% o’r rhieni/gofalwyr yn defnyddio neu’n annog eu plentyn i ddefnyddio adnoddau digidol. Rhieni/gofalwyr plant 0-3 oed oedd leiaf tebygol o ddefnyddio neu annog eu plant i ddefnyddio adnoddau digidol (69%); a rhieni/gofalwyr plant 8-11 oed oedd fwyaf tebygol o ddefnyddio neu annog eu plant i ddefnyddio adnoddau digidol (87%).
Dywedodd 80% o’r rhieni eu bod yn hapus/hapus iawn gyda lles eu plentyn.
O’r 5 awgrym llesol, roedd rhieni/gofalwyr plant 0-11 oed yn teimlo bod eu plant fwyaf tebygol o fod ‘yn actif’ a rhieni/gofalwyr plant 12-18 yn dweud bod eu plant yn fwyaf tebygol o ‘roi’.
O’r 5 awgrym llesol, roedd rhieni plant 0-3 oed yn teimlo mai ‘rhoi’ oedd lleiaf pwysig i’w plant; ‘cymryd sylw’ oedd leiaf pwysig i blant 4-15 oed a ‘bod yn actif’ oedd leiaf pwysig i bobl ifanc 16-18 oed.
Roedd rhieni/gofalwyr plant 0-7 yn teimlo’n fwy hyderus yn cefnogi eu plant i ‘fod yn actif’; rhieni/gofalwyr plant 8-15 yn fwy hyderus yn cefnogi gyda ‘rhoi’ a rhieni/gofalwyr pobl ifanc 16-18 oed fwyaf hyderus yn cefnogi ‘parhau i ddysgu’.
Roedd rhieni/gofalwyr yn llai hyderus yn cefnogi eu plant gyda: bwlio (0-7 oed), colled/gwahanu (8-11 oed) a gorbryder (12-18 oed).
Roedd gan 33% o’r rhieni/gofalwyr bryderon ychwanegol ynghylch lles eu plentyn.*
Roedd cymdeithasu/cyfeillgarwch yn bryder a fynegwyd gan rieni/gofalwyr pob grŵp oedran. Prif bryder rhieni/gofalwyr plant 0-7 oed oedd cymdeithasu/cyfeillgarwch (6%) a phrif bryder rhieni/gofalwyr pobl ifanc 12-18 oed oedd ysgol/addysg (11%).
Pryderon rhieni/gofalwyr o ran adnoddau digidol oedd: amser ar y sgrin, ffafrio dulliau eraill, cynnwys ac effeithiolrwydd. Roedd oedran yn bryder i rieni/gofalwyr plant 0-7 oed.*
Roedd 33% o’r rhieni/gofalwyr yn ymwybodol o adnoddau cymorth/fforymau.*
*Nid oedd data ar gael ar gyfer grŵp oedran 8-11 oed ar gyfer yr ystadegau hyn.
