Lead Organisation: Gogledd Cymru Gyda'n Gilydd
Yn dilyn digwyddiad lansio ar gyfer Rhaglen Drawsnewid Anabledd Dysgu ym Mehefin 2019, cafodd digwyddiad gyda ffocws arbennig ar blant a phobl ifanc gydag anableddau dysgu ei gynnal ar 19 Hydref 2019. Cafodd y digwyddiad ei gyd-gynhyrchu gan y Tîm Trawsnewid Anabledd Dysgu, y Tîm Trawsnewid Plant, Gwasanaethau Plant Sir y Fflint, Gwasanaeth Anabledd Dysgu Plant a Phobl Ifanc Sir Ddinbych a Chonwy a Gwasanaeth Anabledd Plant Ynys Môn. Roedd hyn wedi helpu i sicrhau fod y diwrnod yn cynnwys ‘rhywbeth ar gyfer pawb’, teuluoedd, pobl ifanc a gweithwyr proffesiynol.
Roedd y digwyddiad wedi’i anelu tuag at deuluoedd a’r bobl a gwasanaethau sy’n gweithio gyda phlant a theuluoedd i roi cyfle iddynt ddarganfod mwy am y Rhaglen Drawsnewid Anabledd Dysgu a chymryd rhan mewn trafodaethau, gweithdai a darparu adborth ac argymhellion. Roedd y digwyddiad yn cynnwys y Prosiect Trawsnewid Plant a’r Prosiect Trawsnewid ADY, ac yn rhoi cyfle pellach i gyfranogwyr ddarganfod mwy am y rhaglenni hyn ac i archwilio meysydd synergedd.
Mynychodd 120 o bobl y digwyddiad, gyda chymysgedd dda o blant a phobl ifanc gydag anableddau dysgu, teuluoedd a gweithwyr proffesiynol addysg, iechyd a gofal cymdeithasol. Cymerodd y mynychwyr ran yn y digwyddiad ac roedd eu presenoldeb wedi ysgogi trafodaethau ar y diwrnod ac amlygu’r pwysigrwydd o fynd i’r afael â’r materion a rhwystrau sy’n atal plant a phobl ifanc gydag anableddau dysgu rhag cyflawni eu potensial yng Ngogledd Cymru. Dyma beth oedd gan rai i’w ddweud ar y diwrnod:
“Roedd fy anghenion, hoff bethau a dewisiadau yn cael eu deall!”
“Cael fy helpu i wneud fy mhenderfyniadau fy hun!”
Ers y digwyddiad mae’r Tîm Rhaglen wedi cytuno i ddarparu blaenoriaethau gyda’i holl bartneriaid. Cafodd yr adborth o’r digwyddiad ei ddefnyddio i lywio’r blaenoriaethau hyn a darparu sail dystiolaeth. Mae’r Tîm Trawsnewid Anabledd Dysgu hefyd wedi bod yn gweithio’n agos gyda Phenaethiaid Gwasanaethau Plant, y Timoedd Trawsnewid ADY a Phlant a Phobl Ifanc i fynd i’r afael a dod o hyd i ddatrysiadau ar gyfer materion trawsbynciol mewn natur, gan gynnwys:
- Addysg a Chymorth Diagnostig cyn ac ar ôl, ar gyfer teuluoedd yn y gymuned.
- Gwella’r trosglwyddiad o wasanaethau plant i wasanaethau oedolion yn gyffredinol, ar gyfer y rhai sydd ag anawsterau dysgu dwys a lluosog, ac ystyried Deddf Tribiwnlys ADY sydd ar y gweill.
- Gwell ymgysylltiad yn y rhaglen drawsnewid gan addysg.
I gael y newyddion ar wybodaeth ddiweddaraf ewch i wefan Gogledd Cymru Gyda’n Gilydd.
