Lead Organisation:
Mae’r Rhaglen Drawsnewid Plant a Phobl Ifanc yn datblygu fframwaith i gefnogi iechyd emosiynol, lles a gwytnwch plant. Maent wedi comisiynu arolwg ar gyfer rhieni plant 8 i 11 oed i ddarganfod mwy am y gefnogaeth sydd ei hangen arnynt. Arolwg peilot oedd hwn a fydd yn cael ei gyflwyno i grwpiau oedran eraill.
Roedd yr arolwg yn gofyn cwestiynau am y ‘Pum ffordd at les’, sef cysylltu, bod yn fywiog, bod yn sylwgar, rhoi a dal ati i ddysgu.
Cafwyd dros 2,400 o ymatebion ar draws Gogledd Cymru. Canfu’r arolwg:
- Y byddai rhieni/ gofalwyr yn hoff o gael amrediad o gefnogaeth gan gynnwys cefnogaeth yn yr ysgol, cefnogaeth gan feddygon teulu neu wefannau a phodlediadau argymelledig.
- Roedd 63% o rieni/ gofalwyr o’r farn mai ffrindiau, teulu a’r ysgol oedd y cysylltiadau cefnogaeth pwysicaf.
- Ar y cyfan, dywedodd 87% o rieni/ gofalwyr y bydden nhw’n defnyddio ‘adnoddau digidol’ i’w helpu nhw a’u plant gydag arferion da.
- Roedd y mwyafrif o rieni yn hapus neu’n hapus iawn gyda’r ffordd y mae eu plant yn profi’r pum ffordd at les. ‘Rhoi’ gafodd ei raddio uchaf, wrth i 96% o rieni/ gofalwyr ddweud fod eu plentyn yn helpu ac yn meddwl am eraill. ‘Bod yn sylwgar’ gafodd ei raddio isaf, wrth i 10% o rieni/gofalwyr ddweud nad ydynt yn hapus gyda’r modd y mae eu plentyn yn gwneud amser i’w hunain, yn sylwi ar y pethau o’u cwmpas ac yn achub y foment.
- Gyda’i gilydd, dywedodd 84% o rieni/ gofalwyr eu bod nhw’n hyderus o ran cefnogi eu plentyn petaent yn ‘teimlo’n drist neu’n isel’, gyda’r nifer lleiaf o rieni (68%) yn dweud y byddent yn teimlo’n hyderus i gefnogi eu plentyn gyda cholled neu wahaniad posib.
- Dywedodd y mwyafrif o rieni (77%) eu bod nhw’n hapus fod modd iddynt gefnogi lles eu plentyn.
Y 10 prif bryder ychwanegol ar y brig gan rieni ynghylch lles eu plant oedd: Unigrwydd, ynysiad, colli addysg, problemau â thymer, bod yn fywiog, anhwylderau bwyta, diffyg mewn apwyntiadau proffesiynol (megis apwyntiadau â’r meddyg), treulio gormod o amser ar-lein, diffyg cymdeithasu a’r cyfryngau cymdeithasol.
Y 10 prif adnodd yr oedd rhieni/ gofalwyr fwyaf cyfarwydd â hwy oedd: young minds, headspace, Barnados, NSPCC, Childline, rhaglenni ffitrwydd (ar y teledu/ ar-lein), Gwasanaethau Iechyd Meddwl Plant a Glasoed (CAMHS), Grwpiau Gweithgarwch (ar y teledu/ ar-lein), grwpiau ar y cyfryngau cymdeithasol a CCLlE (Cynorthwywyr Cefnogaeth Llythrennedd Emosiynol).