Mae llawer o bobl wedi cael profiadau da wrth gymryd rhan mewn gweithgareddau cymunedol ond mae Covid-19 wedi cyfyngu ar hynny.
Lead Organisation: Cyngor Sir y Fflint
Roedd yr ymgynghoriad ynghylch Strategaeth Ddementia Sir y Fflint yn cynnwys arolwg o oddeutu 50 o bobl a gwybodaeth ychwanegol a gasglwyd yn ystod cyfarfodydd ar-lein a gan bartneriaid trydydd sector.
Roedd y canfyddiadau yn cefnogi’r blaenoriaethau a geir yn Strategaeth Ddementia Gogledd Cymru a Chynllun Gweithredu ar gyfer Dementia Llywodraeth Cymru. Roedd yr ymgynghoriad hefyd yn rhoi cipolwg i ni ar faterion lleol a fydd yn cael eu defnyddio i ddatblygu camau gweithredu penodol fel rhan o Strategaeth Ddementia Sir y Fflint. Roedd y canfyddiadau eraill yn cynnwys:
- Mae dementia yn cael ei weld fel clefyd sy’n dod yn fwyfwy cyffredin yn Sir y Fflint bob blwyddyn. Mae ymwybyddiaeth a dealltwriaeth pobl o ddementia wedi gwella, ond nid da lle gellir gwell ac mae yna le i gynyddu gwybodaeth a dileu mythau, yn enwedig ymhlith pobl ifanc
- Mae yna ofn a stigma yn ymwneud â dementia, ac mae derbyn diagnosis yn gallu atal pobl neu eu hanwyliaid rhag byw’n dda. Mae cysylltu pobl a rhannu straeon cadarnhaol yn gallu helpu
- Mae’r broses asesu a derbyn diagnosis i’w gweld yn cymryd yn rhy hir i rai pobl, gydag amseroedd aros maith, ansicrwydd ynghylch y camau nesaf a chymorth cyfyngedig drwy gydol y profiad
- Mae yna lawer o brofiadau cadarnhaol o ran gweithredu ac ymgysylltu yn y gymuned, gyda galw mawr am grwpiau, caffis a gweithgareddau newydd, yn enwedig mewn ardaloedd gwledig. Mae cyfyngiadau Covid-19 wedi effeithio’n sylweddol ar weithgareddau ymgysylltu â’r gymuned. Bydd angen cymorth sefydliadol ac ariannol ychwanegol i alluogi pethau i ailgychwyn ac i gynnal pethau newydd
- Mae mynediad at wasanaethau gofal a seibiant hyblyg a gweithgareddau cymunedol yn gallu bod yn gyfyngedig, gyda heriau cludiant lleol yn ychwanegu at hynny
- Mae yna rywfaint o flinder mewn perthynas ag ymgynghoriadau, strategaethau a chynlluniau gweithredu.
