Mae 8fed Hac Iechyd Cymru yn cael ei gynnal ar-lein ar 10 ac 17 Tachwedd ac mae’n gyfle gwych i staff y GIG, prifysgolion a’r diwydiant gydweithio a rhwydweithio i ddatblygu syniadau cam cynnar a allai ddatrys heriau iechyd gweithredol yng Nghymru.
Mae Hac Iechyd Cymru yn dod â gweithwyr gofal iechyd proffesiynol a chwmnïau digidol, technegol a seiliedig ar ddata ynghyd i ddatrys heriau clinigol ar draws y sector iechyd a gofal yng Nghymru.
Cam cyntaf Hac Iechyd Cymru yw gofyn i gydweithwyr ym maes Iechyd a Gofal Cymdeithasol gyflwyno heriau sy’n effeithio ar eu gwaith. I gyflwyno eich her, y cwbl sydd angen i chi ei wneud yw llenwi holiadur byr ar-lein. Ar ôl cyflwyno eich her, bydd aelod o’r tîm trefnu yn cysylltu â chi. Ar ôl cyhoeddi eich her, bydd cydweithwyr yn cael cyfle i ddechrau sgwrsio a rhwydweithio cyn y digwyddiad.
Mae rhan gyntaf y digwyddiad yn canolbwyntio ar gyflwyno eich her a dod o hyd i bartner i gydweithio ag ef i ddatblygu ateb i’w rannu â chynulleidfa a phanel o feirniaid yn ystod ail gam y digwyddiad, ar 17 Tachwedd. Yn ogystal â’r £200,000 o gyllid ar y cyd gan Lywodraeth Cymru ac Agor IP (i’w rannu ymysg yr holl heriau buddugol), bydd arbenigwyr allanol hefyd yn cynnig cyngor ar sut i fwrw ymlaen â’r atebion arfaethedig. Bydd tîm Hac Iechyd Cymru wrth law i ddarparu cefnogaeth ac arweiniad parhaus ar ôl i’r digwyddiad ddod i ben.
Dysgwch fwy a chyflwyno eich her nawr!
Os oes gennych chi unrhyw gwestiynau, gallwch gysylltu â’r trefnwyr yn events@lshubwales.com
