Mae’r Rhaglen Trawsnewid bellach wedi’i disodli gan y Gronfa Integreiddio Ranbarthol.
Roedd ein Rhaglen Trawsnewid Plant a Phobl Ifanc yn seiliedig ar amcan cyffredinol i gyflawni gwell canlyniadau i blant a phobl ifanc.
Roedd tair haen i’r rhaglen:
- Ymgyrch aml-asiantaeth i wella iechyd emosiynol plant a phobl ifanc, eu lles a’u gwytnwch, drwy ymyrryd yn gynnar ac atal mewn ffordd integredig
- Ymchwilio a datblygu ymyriadau ‘ymateb cyflym’ (allgymorth argyfwng) yn seiliedig ar dystiolaeth i blant a theuluoedd ar ffiniau gofal
- Datblygu gwasanaethau preswyl tymor byr.
O dan y rhaglen gwelwyd datblygiadau arwyddocaol; ffurfiwyd dau dîm amlddisgyblaeth is-ranbarthol newydd a ddarparodd wasanaethau i 36 o blant, pobl ifanc a’u teuluoedd. Crëwyd rhaglen hyfforddiant strategol i gefnogi trydydd tîm amlddisgyblaeth is-ranbarthol a ddarparodd 341 o sesiynau hyfforddi.
Sefydlwyd dwy wahanol ddarpariaeth breswyl tymor byr i gefnogi’r timau amlddisgyblaeth.
Darparodd y prosiect Iechyd Emosiynol, Lles a Gwytnwch fframwaith prototeip rhanbarthol i blant 8 i 11 oed, gan gynhyrchu egwyddorion arweiniol i gefnogi datblygiad iechyd emosiynol iach plant a phobl ifanc, eu lles a’u gwytnwch, gan gwmpasu’r pum ffordd at lesiant. Mae ffrwd waith arall wedi sefydlu tîm ymyrraeth gynnar i ganolbwyntio ar roi cymorth yn gynnar i blant a phobl ifanc ag anawsterau emosiynol ac ymddygiadol, a mabwysiadu dull ‘Dim Drws Anghywir’ yn hynny o beth.
Mewn ymateb uniongyrchol i’r pandemig llwyddodd y rhaglen Trawsnewid Plant a Phobl Ifanc i gefnogi prosiectau gwytnwch cymunedol a gefnogodd plant a phobl ifanc yn ystod y pandemig, yn ogystal â chyflawni’r amcanion a bennwyd ar gyfer y rhaglen hon.
Mwy o wybodaeth
Gogledd-Ddwyrain Cymru: Therapi Aml-Systemig – MST
Cysylltwch â ni
E-bost: sharon.hinchcliffe@denbighshire.gov.uk
Ffôn: 01824 706216
