Lead Organisation: Cyngor Sir y Fflint
Syd’s Place – Stori Teresa
Cyn Covid, mynychais SYDS Place a chefais lawer o gefnogaeth oddi yno.
Roeddwn hefyd yn rhan o lawer o sgyrsiau addysgol ac yn teithio o amgylch y wlad, fe wnes gadw’r dementia draw.
Yn ystod y cyfnod clo, caeodd SYDS Place a chynhaliwyd pob cyfarfod trwy Zoom, rwyf wedi teimlo fy dementia yn cymryd drosodd: mae’n ymddangos fy mod yn colli fy hyder yr oeddwn wedi’i ennill.
Fy achubiaeth oedd caffael rhandir.
Fy mhryder wrth i’r clo godi yw mynd i’r archfarchnad – rwyf eisioes wedi bod ac wedi cael pwl o banig. Rhaid immi hefyd fynd ar fws gan nad ydw i’n gyrru, hefyd nid ydw i eisiau mynd allan i’r byd eto.
Teresa Davies
Syd’s Place
Gwasanaeth dydd a chanolfan adnoddau arbenigol ar gyfer pobl iau â dementia yw Syd’s Place yng Nghanolfan Atti yn y Fflint. Agorwyd y ganolfan yn 2008 a hon oedd y ganolfan gyntaf o’i bath yng Nghymru.
Mae’r Hen Fragdy ar agor i unrhyw un sydd wedi cael diagnosis o ddementia cynnar, ac mae’n cynorthwyo pobl i gael rhaglen ystyrlon ac amrywiol o weithgareddau a theithiau allan, a chyfleoedd i anelu at hyrwyddo a chynnal annibyniaeth a sgiliau. Mae pobl hefyd yn elwa o gyswllt cymdeithasol a chymorth emosiynol drwy fod gyda phobl sydd mewn sefyllfaoedd tebyg iddyn nhw.
Rheolir y gwasanaeth gan Wasanaethau Cymdeithasol Sir y Fflint o dan y Gwasanaeth i Bobl Iau â Dementia. Mae tîm gofal hyfforddedig a phrofiadol yn gweithio yn yr Hen Fragdy, gyda chefnogaeth gweithiwr cymdeithasol i bobl ifanc â dementia. Yr oriau agor yw 10am tan 4pm o ddydd Llun i ddydd Gwener.
Nodau’r Gwasanaeth:
- Cynorthwyo pobl i gynnal eu hannibyniaeth a’u sgiliau cymdeithasol a hamdden drwy gynllunio ac ymgysylltu ag ystod o weithgareddau dewisedig.
- Cynorthwyo pobl i gynnal a datblygu cysylltiadau cymdeithasol a gostwng ymdeimlad o unigrwydd ac arwahanrwydd.
- Cynorthwyo gofalwyr y bobl sy’n defnyddio’r Hen Fragdy i gael seibiant o’u rôl fel gofalwr.
- Cynorthwyo pobl i gyflawni eu nodau a sicrhau fod anghenion pobl yn cael eu diwallu drwy hwyluso mynediad at wasanaethau cymunedol ac adnoddau yn ôl yr angen.
Sut i gael mynediad at y gwasanaeth:
Gall unrhyw un atgyfeirio cleifion i’r gwasanaeth, o’r gwasanaethau iechyd i wasanaethau cymunedol eraill neu’r unigolion eu hunain drwy hunan-atgyfeiriad. Ar ôl cael asesiad gan weithiwr cymdeithasol, caiff yr unigolyn, os yw’n gymwys, ei gynorthwyo i archwilio cyfleoedd i fynychu’r grŵp. Cynhelir adolygiad 6 wythnos ar ôl i’r unigolyn ddechrau mynychu er mwyn sicrhau fod popeth yn mynd yn iawn.
A oes rhaid talu?
Codir tâl am wasanaeth yr Hen Fragdy. Defnyddir polisi taliadau’r Gwasanaethau Cymdeithasol i asesu taliadau’r unigolyn. Codir tâl bach am brydau bwyd.
Sut i gysylltu:
Un Pwynt Mynediad: 03000 858 858 spoa@flintshire.gov.uk
Canolfan Ddydd Syd’s Place, Prince of Wales Avenue, Fflint CH6 5JU Ffôn: 01352 732982