Cywiriad 02/11/22: adolygwyd ffigyrau aelwydydd Gogledd Cymru pan welwyd gwall gludo. Ni newidiodd y ffigurau ar gyfer awdurdodau lleol.
Mae’r bwletin hwn yn edrych ar ganlyniadau cyntaf Cyfrifiad 2021 ar gyfer Cymru a Lloegr, a gyhoeddwyd gan y Swyddfa Ystadegau Gwladol 28 Mehefin 2022. Mae’r canlyniadau cyntaf hyn yn cynnwys amcangyfrifon poblogaeth ac aelwydydd ar lefel Cymru ac awdurdod lleol.
Heb Gyfrifiad manwl, gallai Gogledd Cymru fod ar ei cholled, gan fod gwybodaeth o’r Cyfrifiad yn gallu ein helpu i:
- ddatblygu polisïau
- cynllunio a rhedeg busnes, megis ysgolion, gwasanaethau iechyd, ffyrdd a llyfrgelloedd
- penderfynu sut i ddyrannu cyllid i sicrhau bod arian y cyhoedd yn cyrraedd lle mae ei angen fwyaf.
Prif ganlyniadau
- Ar Ddiwrnod y Cyfrifiad, 21 Mawrth 2021, maint y boblogaeth breswyl arferol yn Gogledd Cymru oedd 687,000.
- Mae’r boblogaeth wedi gostwng o -950 (-0.1%) ers y cyfrifiad diwethaf yn 2011, pan oedd yn 687,950. Gwelodd Cymru gynnydd o 1.4%, a Chymru a Lloegr gynnydd o 6.3%.
- Roedd mwy o bobl nag erioed o’r blaen yn y grwpiau oedran hŷn; cyfran y boblogaeth a oedd yn 65 oed a throsodd oedd 23.5% (i fyny o 20.1% yn 2011), sef cyfanswm o 161,200 o bobl. Y boblogaeth 65+ oed yng Nghymru gyfan = 21.3%; yng Nghymru a Lloegr = 18.6% (i fyny o 18.4% a 16.4% yn y drefn honno).
- Roedd 20,600 o breswylwyr yng Ngogledd Cymru a oedd yn 85 oed a throsodd yn 2021, o gymharu â 18,350 yn 2011 a 15,600 yn 2001. Ar 3.0% o’r boblogaeth roedd hyn yn uwch na chyfartaledd Cymru o 2.7% a chyfartaledd Cymru a Lloegr o 2.4%.
- Roedd nifer y bobl dan 15 oed yn 111,100 neu 16.2% o gyfanswm y boblogaeth (i lawr o 115,100 neu 16.7% yn 2011). Y boblogaeth o dan 15 oed yng Nghymru gyfan = 16.5%; yng Nghymru a Lloegr = 17.4% (i lawr o 16.9% a 17.6% yn y drefn honno).
- Mae gan Bwrdeistref Sirol Conwy strwythur oedran hynaf o awdurdodau unedol Gogledd Cymru, a Wrecsam sydd â’r strwythur oedran ieuengaf.
- Roedd 301,3000 o aelwydydd ag o leiaf un preswylydd arferol yn Gogledd Cymru ar Ddiwrnod y Cyfrifiad; mae hyn yn gynnydd o 5,700 (1.9%) ers 2011, pan oedd 295,600 o aelwydydd. Gwelodd Cymru gynnydd o 3.4%, a Chymru a Lloegr gynnydd o 6.1%.
- Mae chwe awdurdod unedol Gogledd Cymru yn cyfrif am 22.108% o boblogaeth Cymru. Mae hyn ychydig yn is na’r gyfran o 22.173% a fydd wedi’i defnyddio yng nghyfrifiadau cyllid Llywodraeth Cymru ar gyfer awdurdodau lleol (ffigur ar gyfer 2021 o amcanestyniadau is-genedlaethol sail-2018 Llywodraeth Cymru).
- Roedd gan wyth awdurdod lleol boblogaethau is yn 2021 nag yn 2011(yn cynnwys Gwynedd, Ynys Môn a Bwrdeistref Sirol Conwy), a gwelodd pump arall dwf o lai na cyfartaledd Cymru, sef 1.4% (yn cynnwys Wrecsam). Roedd y cyfraddau mwyaf o leihad yn y boblogaeth ers 2011 yng Ngheredigion (5.8%), Blaenau Gwent (4.2%) a Gwynedd (3.7%).
- Roedd cyfradd twf y boblogaeth yng Nghymru yn sylweddol is nag yn Lloegr, lle cynyddodd y boblogaeth 6.6%. Roedd twf y boblogaeth hefyd yn is yng Nghymru nag yn holl ranbarthau Lloegr. Roedd y gyfradd twf yng Nghymru bron chwe gwaith yn is nag yn Nwyrain Lloegr, sef y rhanbarth yn Lloegr â’r newid canrannol mwyaf ym maint y boblogaeth (8.3%). Roedd hefyd yn is na’r rhanbarth yn Lloegr â’r twf lleiaf yn y boblogaeth, sef Gogledd-ddwyrain Lloegr (1.9%).
Gweler hefyd
- Cyfrifiad 2021: demograffeg a mudo
- Cyfrifiad 2021: cyn-filwyr lluoedd arfog y Deyrnas Unedig
- Cyfrifiad 2021: grŵp ethnig
- Cyfrifiad 2021: crefydd
- Cyfrifiad 2021: prif iaith
- Cyfrifiad 2021: addysg
- Cyfrifiad 2021: cyfeiriadedd rhywiol a hunaniaeth o ran rhywedd
Mae data hefyd ar gael ar wefan Cyfrifiad y Swyddfa Ystadegau Gwladol.
Cysyllwtwch a ni
Hwb Cydlynu Arloesi Rhanbarthol Gogledd Cymru
Ebost: hcargc@sirddinbych.gov.uk
Ffôn: 01824 712432