Mae’r bwletin hwn yn edrych ar y data cryno ar bynciau cyn aelodau o luoedd arfog y DU o Gyfrifiad 2021 ar gyfer Cymru a Lloegr a gyhoeddwyd ar 10 Tachwedd 2022 gan y Swyddfa Ystadegau Gwladol (ONS). Mae’n darparu amcangyfrifon poblogaeth ac aelwydydd heb eu talgrynnu ar lefel Gogledd Cymru ac awdurdod unedol.
Cyfrifiad 2021 yng Nghymru a Lloegr oedd yr un cyntaf i ofyn i bobl a oeddent wedi gwasanaethu yn lluoedd arfog y DU yn y gorffennol. Gofynnwyd i bobl 16 mlwydd oed neu hŷn a oeddent wedi gwasanaethu yn lluoedd arfog rheolaidd neu wrth gefn y DU, neu’r ddau, yn y gorffennol. Cynghorwyd pobl sy’n gwasanaethu yn lluoedd arfog y DU ar hyn o bryd a phobl nad oeddent erioed wedi gwasanaethu i ddewis “nac ydw”.
Y canlyniadau allweddol i Ogledd Cymru
- Yn 2021, dywedodd 29,194 o bobl yng Ngogledd Cymru eu bod wedi gwasanaethu yn lluoedd arfog y DU yn y gorffennol. Mae hyn tua 5.1% o breswylwyr arferol 16 mlwydd oed neu hŷn.
- Roedd y ganran o gyn aelodau o luoedd arfog y DU yn uwch nag yr oedd yng Nghymru (4.5%) neu yn Lloegr (3.8%).
- O blith poblogaeth cyn aelodau o luoedd arfog y DU yng Ngogledd Cymru, roedd 78.1% (22,802 o bobl) wedi gwasanaethu yn y lluoedd rheolaidd yn y gorffennol, 17.6% (5,152 o bobl) wedi gwasanaethu yn y lluoedd wrth gefn yn y gorffennol, a 4.2% (1,240 o bobl) wedi gwasanaethu yn y lluoedd rheolaidd a’r lluoedd wrth gefn.
- Roedd 613 o gyn aelodau o luoedd arfog y DU (2.1%) yn byw mewn sefydliadau cymunedol ac roedd y gweddill (28,581, 97.9%) yn byw mewn aelwydydd. Mae cyn-filwyr ychydig yn fwy tebygol o fyw mewn sefydliadau cymunedol na’r boblogaeth yn gyffredinol.
- Roedd y ganran o aelwydydd a oedd yn cynnwys un neu ragor o bobl a oedd wedi gwasanaethu yn lluoedd arfog y DU yn 9.1% (27,424 o aelwydydd). Roedd hyn yn uwch nag yr oedd yng Nghymru (8.1%) neu yn Lloegr (7.0%).
- Ledled Cymru, mae’r awdurdodau lleol sydd â’r gyfran fwyaf o gyn aelodau o’r lluoedd arfog yn cynnwys Bwrdeistref Sirol Conwy (5.9%, 5,649 o bobl), ac Ynys Môn (5.6%, 3,221 o bobl).
Gweler hefyd
- Cyfrifiad 2021: canlyniadau cyntaf
- Cyfrifiad 2021: demograffeg a mudo
- Cyfrifiad 2021: grŵp ethnig
- Cyfrifiad 2021: crefydd
- Cyfrifiad 2021: prif iaith
- Cyfrifiad 2021: addysg
- Cyfrifiad 2021: cyfeiriadedd rhywiol a hunaniaeth o ran rhywedd
Mae’r ONS hefyd wedi cyhoeddi Cyn aelodau o luoedd arfog y DU yng Nghymru a Lloegr: Cyfrifiad 2021.
Contact us
North Wales Regional Innovation Coordination Hub
Email: nwrich@denbighshire.gov.uk
Phone: 01824 712432
