Mae’r is-grŵp wedi ysgrifennu strategaeth mewn ymateb i’r adroddiad Dim Drws Anghywir a ysgrifennwyd gan Gomisiynydd Plant Cymru.
Rydym wedi gweithio gyda phlant a phobl i ddewis enw ar gyfer ein ffordd o weithio, sef Y Drws Cywir.
Weithiau mae dod o hyd i gymorth yn ddryslyd neu’n gallu gorlethu. Rydym eisiau iddo fod mor syml â phosib.
Mae’r Drws Cywir yn golygu ble bynnag y byddwch yn mynd i ganfod cefnogaeth – yn yr ysgol, gwasanaeth cymunedol, gwasanaethau cymdeithasol, neu wasanaeth iechyd, byddwch yn cael cymorth.
Byddant yn cydweithio i’ch rhoi mewn cysylltiad â’r gwasanaethau cywir a chael y cymorth rydych ei angen.
Lawrlwytho
Hope Productions yn dod a Strategaeth Llywodraeth Cymru yn fyw
Mae disgyblion yn Ysgol y Gogarth yn Llandudno wedi creu cyfres gwe animeiddiad er mwyn cefnogi pobl ifanc gyda’u hiechyd meddwl. Mae disgyblion wedi cydweithio â Cherdd a Ffilm Cymunedol TAPE i greu Hope Productions. Dros 10 mis o waith caled, gweithiodd grŵp o ddisgyblion gydag Anghenion Dysgu Ychwanegol ynghyd ar Brosiect gan Lywodraeth Cymru. Nod y prosiect oedd codi ymwybyddiaeth o’r ‘Strategaeth Dim Drws Anghywir’. Roeddent yn canolbwyntio ar faterion cyffredin a oedd yn cynnwys: bwyta’n iach, camddefnyddio sylweddau a chynllunio ar gyfer bywyd ar ôl ysgol. Dewisodd y disgyblion greu eu cyfres gwe gan ddefnyddio eu henw eu hunain – ‘Y Drws Cywir’, sy’n archwilio’r testunau iechyd meddwl a lles ar gyfer plant a phobl ifanc.
Gan weithio ar y cyd â’r cwmni eiriolaeth ffilm a cherdd TAPE, dysgodd y disgyblion sgiliau newydd o ffilmio, ysgrifennu sgript, dylunio cymeriadau, golygu a gwaith llais. Mynychodd Comisiynydd Plant Cymru y dangosiad cyntaf a siaradodd gyda’r bobl ifanc a’r rhieni am yr heriau bywyd ar ôl trosglwyddo o’r ysgol. Roedd y disgyblion wedi gweld y profiad yn gymhelliant ar gyfer trafod bywyd ar ôl ysgol, a chynllunio ar gyfer y dyfodol. Roedd y grŵp wedi mwynhau cydweithio gyda disgyblion eraill, gan gyflwyno syniadau, a helpu i leihau stigma ac i amlygu lle i gael cymorth ar gyfer unrhyw un sy’n ei chael yn anodd ymdopi.